Asmaye husna key bare mein sahi
muslim aur tarmizi mein likha hai keh yeh allah tala key 99 naam hain. Inhein jo
bhi hifz kar ke dohraye ga ise dunya mein hi nahi aakhrat mein bhi izzat bakhshi
jaye gi. Chun keh Allah tala key har naam ki alag khasyat aur alihdah sifat hai
lehaza in key fawaid aur khawas bhi mukhtalif hain. Yahan hum chand asmaye husna
ka tazkirah kar rahe hain jin ka wird insanon ko mushkilat pareshanyon se
chutkara dila sakta hai.
Ya Rehman: Har namaz key baad
100 martabah wird karne se aap par har shakhs mehar baan ho jaye ga aur muhabbat
o shafqat se pesh aaye ga.
Ya Salam: Yeh ism 160
martabah parh kar kisi mareez par dam kia jaye to woh shafa yab ho jaye
ga.
Ya Azeez: 40 din tak fajar ki namaz key baad wird
karne wala shakhs khood kafeel ho jaye ga aur kIsi ki imdad se be neyaz rahe
ga.
Ya Khaliq: Roz zuhar key waqt 100 martabah is ka
wird maamool bana lia jaye to is key badle Allah pak aik farishatah moqarrar kar
dete hain jo ta qiyamat prhne wale key haq mein dua karta rahe ga. Is ka chehra
roshan ho jaye ga. Agar koi jora be aulaadi ka shikar hai to woh aik saal tak
har roz aik hazar martabah is ka wird kare. Insha Allah tala inhein aulaad jaisi
neamat mayassar aajaye gi.
Ya Razaq: jo shakhs is
ism ka wird karta hai Allah tala is ki kafalat apne zumme le leta
hai.
Ya Wahab: dua key baad agar koi shakhs is ka
wird kare to is ki dua qabool hogi, kisi key chungal mein phansa shakhs bahir
nikal aaye ga. Kam aamdani key sabab guzr basar mushkil se hoti ho to mosalsal
saat raton ko do rikat nafil ki adaigi key baad aik hazar martabah parhne se
tangdasti door ho jaye gi. Aur mushkilat se nijat mile gi.
Ya Aleem: dil tajalyat se manaowar ho jaye ga aur suraj nikalne se
qabal 100 martabah wird kia jaye to tamam pareshanyan door ho jayein gi. Aman o
sakoon ki zindagi hogi aur Allah ka fazal o karam shamil hal rahe
ga.
Ya Kabeer: har roz 100 martabah wird karne wala
shakhs dunya ki nazron mein moazziz mohtaram ho jaye ga.
Ya
Hafeez: yeh ism dohrane se har qisam ki aafat se nijat milti hai aur
insan na gahani aafat key elawah hadsat se mehfooz rehta hai.
Ya Moqeet: agar kisi bache ki aadat o atwar kharab hon to ise yeh
ism aik glass pani par dam kar key pilayein insha allah afaqah
hoga.
Ya Wase: hasool rizq key liye pareshan shakhs
yeh ism dohraye to is ki amdani ka wasilah paida ho jaye ga.
Ya Haq: is ka wird karne se gumshudah cheezein mil jayein
gi.
Ya Qawi: apne dushmanon key hathon tung aaya hua
shakhs agar is irade se yeh ism parhe keh is ka dushman ise koi noqsan nahi
puncha sakta to woh dushman key ghalbe se mehfooz rahe.
Ya
Moeed: agar koi fard gum ho jaye to yeh ism 70 martabah dohrane se khoya
hua shakhs wapis aajaye ga.
Ya Rasheed: maghrib o
isha ki namazon key baad yeh ism aik hazar martabah parhne se mushkilat door ho
jati hai.
i like ur post jazakaliah.
ReplyDelete